h1

Jampe-jampe Si Kabayan

27 Désémber, 2009

Jampe kahiji: elmu kawedukan

Mun mahluk teu boga musuh
moal aya nu ngagebug;
Mun jalma teu boga dosa
moal aya nu ngadasa;
Mun urang teu bahe carek
moal aya anu ngadek;
Nu sirik diajak seuri
Nu nyarekan disabaran;
Mun leumpang ulah balangah;
Mun ngomong ulah jangji ngong;
Salamet, salamet salawasna.

Jampe kadua: elmu kinasih

Nini-nini, aki-aki
pasti ngajakan seuri
mun urang henteu kumaki.
Nu diiket, nu digelung
moal teu ngarubung-rubung
mun urang daek tutulung.
Moal hese nitah budak
asal urang henteu galak.
Hayam bikang keur anakan
poma ulah diheureuyan
Sih asih, asih, asih ka awak aing.

Jampe katilu: perkara jodo

Jodo babandingan pati
Teu bisa diembung-embung
Teu bisa diulah-ulah;
Mun geus datang pasti datang.
Sanajan diudag-udag
diteangan dikorehan
Mun can nepi ka jodona
Leupas deui, leupas deui
Sabar, sabar, sabar.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

%d bloggers like this: